POESIA CLÀSSICA I CONTEMPORÀNIA
Total Poetes: 598
  Total Poemes: 14138
 
Poemes classificats per autor i ordre alfabètic
Autor alfabètic
Poemes classificats per autor i ordre cronològic
Autor cronològic
Poemes classificats pel lloc de naixement de l'autor
Autor Naixement
Poemes classificats per segle i autor
Segle
Llistat de tots els  poemes per ordre cronològic
Llistat de poemes
Cercador de poemes Tornar
poema
Poema

de Ventadorn, Bernart

erroresrecomendar

Tant ai mon cor ple de joya,

tot me desnatura.

Flor blancha, vermelh’e groya

me par la frejura,

c’ab lo ven et ab la ploya

me creis l’aventura,

per que mos pretz mont’e poya

e mos chants melhura.

Tant ai al cor d’amor,

de joi e de doussor,

per que·l gels me sembla flor

e la neus verdura.

Ai Deus! car no sui ironda,

que voles per l’aire

e vengues de noih prionda

lai dins so repaire?

Bona domna jauzionda,

mor se·l vostr’amaire!

Paor ai que·l cors me fonda,

s’aissi·m dura gaire.

Domna, per vostr’amor

jonh las mas et ador!

Gens cors ab frescha color,

gran mal me faitz traire!
Subir